Aizawl: Vairengte atanga lak luh nia sawi kuhva ro phur lirthei pahnih chu nimin khan Khuangpuilamah Kolasib YMA Sub-Hqrs-in an man a; mahse, a mantute hi an inrawnkhawm hnuah an chhuah leh a ni.
Thudawn danin, kuhva rah ro neitu hi Vairengte mi niin, Champhai atanga phurh chhuah a ni.
Kuhva ro phurtu lirthei hi an man chiah lo a, Kolasib SP hriattir ni mah se a dawn theih loh thua a chhan avangin avangin an tan kawl ngawt a rem loh avang leh, a neituin ngaihdam a dik bawk avangin chhuah leh mai an nih thu Kolasib YMA Sub-Hqrs hruaituten an sawi.
Kuhva ro chungchangah hian engtia hmalak tur nge tih chu hun remchang hmasa berah an ngaihtuah thuai tur thu leh Vairengte chheh vela kuhva kudam tam tak la awm chungchangah hma lak an tum thu an sawi
The Zozam Times zawhna chhangin Central YMA President R Lalngheta chuan kuhva ro phurh an man thu hi Kolasib YMA Sub. Hqrs hruaituten Kolasib SP biaa an hriattir hnuah, anin a lak theih loh thua a chhan avanga tihngaihna an hriat loh avangin an chhuah leh ta mai niin a sawi bawk.