England leh Chelsea defender Reece James chuan an ram tan World Cup a khel lo tur chu hreawm a tih thu Nilaini khan a sawi a. Qatar a pan ve dawn lo tih a sawi chiang.
Kum 22 mi hi October 11 khan AC Milan nen an inkhelh tumin a inhliam a. Tun thla tawp a Qatar lam pan theih inbeisei viau mahse a dam tha hman dawn lo.
A club lamin kar riat vel a chawlh a ngai dawn tih an lo sawi tawh a, tunkarah training pangngai zawm a la thei lova, hei vang hian World Cup pan turin a beiseiawm ta lo.
James chuan, “Ka khup ka tihnat khan World Cup khelh beiseina a tlem sawt tih ka hre nghal a, mahse ka bei a dawng lo. Khelh hram theih nan theihtawp ka chhuah a, ka team han puih theih ka duh hle. Mahse ka tum anga thil a kal loh theihna chance a awm tih ka hria a. Ka thiante duhsakna ka hlan a, ka lo kir leh vat ang.” tiin a sawi.
England hian right-back Kyle Walker a inhliam avangin danglam a duhthlan tur an nei tam lova. Man City hi October khan zai a ni a, a dam hman erawh a inbeisei thu a lo sawi tawh.