Tla thei dinhmunah an ding hman a ni mai lova, tla ah tam takin an ngai hman tawh. Mahse tournament lian a an lo tih fo thin angin inhamtang hram hramin Pakistan chu a pawimawh hunah an tlo leh a. New Zealand lakah wicket sarih a hnehna changin Men’s T20 World Cup final an khel dawn.
Nilaini a Sydney a ICC Men’s T20 World Cup semi-final inkhelah chak tura 153 an mamawh laiin Pakistan opener pahnih Babar Azam leh Mohammad Rizwan ten half-century an siam ve ve a. 105 partnership nei a bul tanin an team tan a pawimawh.
SCG-ah Daryl Mitchell chuan out lovin half-century a siam a. 49-3 an nih hnuah 152-4-ah a team a hruai kai leh thei.
Pakistan hian India leh Zimbabwe laka tlawmin bul an tan a. Netherlands lakah South Africa chesual lo se tla chiang tur an ni. Mahse tunah a vawi hnihna atana T20 World Cup chawi turin vawikhat chak bak an mamawh tawh lo.t
India leh England hi vawii chawhnu dar 1:30-ah an inkhel ang.