Aizawl: Excise & Narcotics Department leh CYMA hnuaia ruihhlo do pawl, CADS thawk dunin ni hnih chhungin ruihhlo tam tak an man.
END leh CADS hian Ningani zan khan Bawngkawnah heroin gram 24 (hawng 2) leh a neitu nia puh – Lalmuanpuii (50), Bawngkawn, Chawngbawla Section; Ngurvulmawii (38) leh Malsawmdawngzela (31), Bawngkawn UPC muala khawsa ve ve nia inchhalte chu an man.
Zirtawpni chawhma khan Thuampui, Aizawlah heroin gram 137 (Hawng 10) leh a neitu nia puh – Suineu (44), Tahan, Myanmar, Thuampuia khawsa nia inchhal an man a. Heroin-te khawchhak siam, Soymilk bur hmanga thuhruk an ni.
END leh CADS hian September 9 leh November 11 inkarah heroin kg 4 leh gram 28, methamphetamine kg 1.971 (tablet 20,153) leh mihring 121 (case 55 atangin) an man tawh.