Tlawmngai pawl, Cod Nerc-in NABARD puihna hmanga Tribal Development Fung (TDF) project hnuaia khaw pathum – Sakawrdai, Zohmun leh Tinghmun khuaa litchi plantation an kalpui mek chu NABARD, Asst. General Manager Dilip Kumar Kadama leh B. Lalchhanzova, Director, Cod Nerc hoin ni thum chamin an tlawh.
He’ng khaw pathumah hian farmer 200 thlan chhuah an ni a, farmer 160 te hian litchi kung 80 theuh ching tura ruahman niin, farmer 80 te hian litchi kung 80 theuh an ching tawh a, kum tharah farmer 80 dang ten Litchi Sapling 80 theuh an ching leh dawn a. A bak farmer 40-te hi vawk vulh hmanga puih tur an ni. Farmer te huan engemawzat a hmunah halin an hnathawhte an endik a ni.
Litchi hi tha taka a thang chho a nih chuan kung 9000 vel dam thei tura beisei a ni a, farmer pakhatin kum khatah Rs 3 lakhs vel leichhuak thei tura chhut a ni.
He project kaltlang hian farmer-te hnenah litchi chin dan zirtirna pek an nih bakah, litchi sapling tiak 80 theuh, tui khuahna silpaulin, pipe metre 200 leh lei tha te pek an ni.
Heng khawthum ah te hian chhungkaw 150 te tan Solar Lighting System, Barefoot College International (BCI) te puihna a kalpui mek a ni bawk.
Nimin khan farmer te pualin MRB manager Lalramngaihhlima hoin Financial Literacy campaign Panchayat Bhawan, Sakawrdai-ah Sakawrdai, Zohmun leh Tinghmun khua te pualin neih a ni bawk.