- Lallunghnema, Charity Lodge
Thlasikin min hmet tan. Thenkhatin ,’U AMA ‘,lam an hawi der tawh.Keini erawh Consumer te dikna leh chanvo buaipuiin kan la hman hlel a nih hi.Kan dam chhan a ni miau si a.Nitin consumerte hi bumin kan awm thin tih i hria em? Thil kan lei tam poh leh bumin kan awm tam mai a nih hi!
Mi thahnemngaite beihna zarah consumer awareness a kal ve reng mai.Hma pawh kan sawn chho zel a.Hetiang a nih chhoh zel hi beisei ila.He ka message dawn atang hian mipui rilruah consumer wareness a awm chho mek zel tih a hriat theih awm e.Hei hi han chhiar teh.
“Ni 5.Inrinni Nov.22 khan Canteen Kual a Key Ghat atangin Flash ka lei a.Eng emaw ni khuaa pai mai theih tur litre chanve dawng an lo nei mai lova.Ka lei ta thova.Mahse,inah ka nupuiin hetiang chu a lian lutuk a,no 2 vel lek leng,bag te a ah theih kan mamawh thleng leh mai la,a tia.Thawhtanniah ka han thleng dawn a,an phal der lo mai a.Thil dang a aiah la mai rawh,min ti a.A aia lak tur ka nei mai bawk si lova.Min khawngaiha min thlengsak tura ka ngenin awmzia a nei bawk si loh avangin ka lungawi bik lova.Consumer Forum lamah kan inhmu dawn nia, tiin Tuikhhuahtlangah Officeah lehkha ka va thehlut ta a.Ka thawhna lam thingtlangah ka kal leh a ngai si a.Court ni chu rawn awm hram ka tum e.Ka awmna thingtlang sumo service a awm mumal lohna a ni bawk si a.Hetiang lama Awareness nei thin i nih avangin ka chanchin ka lo hrilh tawp mai che a ni”,
He message hian mi a cho hle mai! He message min thawntu hi a huaisen hle bawk.A complaint-ah hian hlawhtling ngei se,ka ti hle a Theihtawp chhuaha puih ngei pawh a phu hle a ni.
Consumer Protection Act 2019 Article 39-ah hian District Consumer Disputes Redressal Commission thuneihna tarlanah chuan thil lei hman theih loh,chhia thleng theih chungchang sawi a ni a.Consumer tupawh a thil leia a lungawi loh chuan a man hu tawk pekkir lehte,a thlawna siamsak leh siamtirte,hman theih loh a nih chuan bungraw ngai ang a thleng tirte a theih thu a chuang a ni.repairing bakah unfair trade practice thawi dam thlengin a huam a ni.Mi tha hnemngaite inpekna zarah Sanga ang hi an lo chhuak zel dawn a.Huaisen tak tak, dawrkaite hmachhawn ngam hi an lo lang zel dawn a ni.A tlangpuiin dawrkaiho hian an thil hralh thleng lehtir hi an hreh thin a.Dawrkai engemaw zat erawh an inhawng em em thung a ni. An customerte dah pawimawh tak tak an awm rualin customerte lo hmusit riau hi an awm teuh bawk.Hengho hian mipui an hmusit a,ram economy an hre pha lo a ni.Anmahni pumpui hmakhua bak an ngai lo tihna a ni.
Thil lei leh hmannaa hlawhtling tur chuan consumer chu a huaisen a ngai a .Consumer Protection Act hi a zir ve a ngai a ni.Consumer Activist pawh a rawn a tul chang a awm thin.Ama hmakhua tan ringawt a fight lo tih a inhriat a tha ang.Mi dangte tih hmuhtu,mite tana kawng sialtu a ni tih inhriatna thinlung atang chuan thil reng reng hi a fel thluam mai thin.
Kei ve pawh hian ka tan ka bei ngawr ngawr lova,mite tan ka sual chho mek tih ka inhriat rualin ka hlim veng veng thin a ni.
Tun tuma case kan sawi mek ang chi hi State thenkhatah chuan a thleng zauh zauh thin.Mizoramah hi an a thleng zen zen lemlo.Mahse,awareness atan a tha ka ti a.Mipui ka lo fimkhur deuh deuh theih nan tiin ka han thai luklak a ni.
Odisha State khawpui Bhubaneshwar a customer pakhat chuanShopping Mall pakhat chu carry bag cheng ruk man laksak chungchangah Consumer Court a khing a.Thiam a chan thu a lar leh hle mai.Bhubaneshwar a District Consumer Disputes Redressal Commission chuan he Shopping Mall Manager leh Managing Directorte chu CPA 2019 section 35 tan chhanin (unfair trade practice an avangin) Rs 25000/- compensation an customer P.Rout-a chu pe turin thuremna a siam a.Rs 10000/- rilru tihnatsak man leh Rs 15000/- court a Case buaipuina atana senso, a vaiin Rs 25000/- Mall chawi zat tur chu a ni.
Mizoram mipuite hi kan harh chhuah a tul tak zet tawh e.Ram hi kan vei tak zet a nih chuan consumer right leh issue -te hi kan vei a ngai a ni.Tih tak em ah chuan consumer kan ni vek a,kan nih dan erawh a dang mai mai a ni.Mi thenkhat fingvar intiho hian consumer right hi varpawh an tum thlawt lo a ni.Zahna chang lah an hre hlawm der si lo.MRP aia sanga thil hral leh lei tim miahlo,intichangkang tam tak ka tawk nitin!
A va hahthlak em! Harsatna i neih chuan kan pui thei reng a che.