Aizawl : Congress thalaiin Mizoram sorkarin sorkar hnathawkte bakah Local council & Village council hlawh a batsak pe thuai turin sorkar an phut.
Nimina an thuchhuahah MPYCC chuan Mizoram sorkarin a hnuaia hnathawkte hlawh a hun takah a pe ngai ta lo chu pawi an tih thu leh zahthlak an tih thu an sawi a. “Tlai taka hlawh a pe thin hian sorkar hnathawkte dikna leh chanvo a rapbet nasa em em a. Loan la tan phei chuan phurrit a siamin, pawisa an chawibelh (penalty) thin a. Sum en- kawl thiam lo MNF sorkar kan hrawn mek hi vanduaithlak kan ti takzet a ni,” an ti.
MPYCC chuan Local Council leh Village Council te hnenah Mizoram sorkarin thla sarih chhung (April 2022 atangin) lai an hlawh a batsak tawh niin an sawi a. Mahni hna tuldangte kalsana khawtlang tana hnathawktute chanvo rahbehsaknaah an ngaih tih sawiin, LC & VC hlawh an batsat te hi a rang thei ang bera an pe chhuak turin Mizoram sorkar an phut tih an sawi bawk.