Aizawl : District Level Narco Coordination Centre (NCORD) Committee chu an chairperson Dr Lalhriatzuali Ralte, DC, Aizawl hoa nimin khan an thukhawm a. Ruihhlo do chungchanga hmalakna tur hrang hrang an rel.
SP Aizawl Conference Hall-a thutkhawmah hian, zirna in hrang hrangah uar lehzualin Drugs Awareness Campaign neih chhunzawm a, hemi atan hunbi mumal taka neih a nih theihnan District Education officer in ruahmanna lo siam nise tihte, ruihhlo chi hrang hrang man chungchangah chak lehzuala kal a nih theihna’n Aizawl District SP kaihhruainain Police, Excise & narcotics, Drug Controllers leh NGO te bakah Assam Rifles leh Border Security Force te inrawnkhawmna neih nise an ti.
He’ng bakah hian ruihhlo ngaite enkawlna hmun Home hrang hrang tlawh chhunzawm leh hunpui lo thleng tura boruak muanawm a awm theihna’n ruihhlo hluarna hmunah te Special Drive neih an rel bawk.
District Level NCORD thutkhawmah hian member 13 an tel a ni.