Kolasib bialtu MLA in Kolasib Saidan-ah Health Clinic a hawng

Aizawl : Kolasib bialtu MLA K Lalrinliana, Supply Minister hian nimin khan Saidan Veng, Kolasib-ah health clinic a hawng a. A bial Kolasib chhungah health clinic 10 dang hawn leh tura hmalak mek a nih thu a sawi.

Hawnna inkhawmah thu sawiin K Lalrinliana hian, khawtlang hmasawnna tehfung pawimawh tak chu hriselna a nih thu leh hriselna tha nei tur chuan nu in nau a pai atanga tha taka enkawl a pawimawh thu a sawi a. Khawtlang hriselna tihhmasawn a nih theih a bial chhungah Health Clinic 11 hawn thar a nih thu leh a dang 10 hawn leh tur a hmalak mek a nih thu a sawi.

K Lalrinliana hian, Kolasib district pawn lam tan pawha pan manhla tak ni turin khum 100 awm theihna tur District Hospital thar sak hna thawh mek a nih thu leh, MLA Fund hmangin Laparoscopy leh Dialysis khawl bun a nih thu a sawi bawk.

He huna Dr. RK Lalthlamuana, SMO tarlan danin, Saidan vengah hian in 196 awmin, mihring 982 vel awm ang a chhinchhiah a ni. Naupang kum 1 hnuai lam 20 bawr vel awm ang a chhut a ni bawk.

Leave a Reply

Your email address will not be published. Required fields are marked *

error: Content is protected !!