Aizawl: Mizoram University (MZU)-in nimin khan undergraduate final result a tichhuak a, graduate thar mi 5,201 an awm.
Undergraduate Final Exam-ah hian candidate 6,767-in exam an bei a, candidate 5,201-in hlawhtlinna an chang a, pass percentage chu 76.86% a ni a. Bachelor of Arts (B.A.)-ah exam 5,695 zinga 4,308 an pass a, pass percentage chu 75.65% a ni a. Bachelor of Science (B.Sc.)-ah zirlai exam 631 zingah 504 an pass a, pass percentage chu 79.87% a ni a. Bachelor of Commerce (B.Com)-ah zirlai exam 365 zingah 309 an pass a, pass percentage chu 90.12% a ni. Bachelor of Science (Home Science)-ah exam 36-ah mi 24 pass-in pass percentage chu 66.67% a ni.
Course hrang hrangah heng mite hi pakhatna niin gold medalist an ni a. BA-ah Lalduhsaki, History Honours, Pachhunga University College; B.Sc.–ah Jeffery Vanlaltlana, Biotechnology Honours, Pachhunga University College; B.Com-ah C. Lalnunhlimi, Commerce Honours, Govt. J. Buana College, Lunglei leh B.Sc. (Home Science)-ah Saipari, Govt. Zirtiri Residential Science College te an ni.
Final semester wxam result tihchhuah rual hian intermediate semster 2nd leh 4th Semeter result tihchhuah a ni bawk a, 2nd Semester-ah hian exam beitu zawng zawng chu zirlai 5,252 an ni a, zirlai pass zat chu 3,153 a ni a, za zela 60.03-in an pass a. 4th semester-ah hian zirlai exam 6,503 zingah 4,410 an pass thung a, za zela 67.81-in an pass a ni.
MZU Controller of Examinations Prof Lalnuntluanga chuan zirlai exam-a hlawhtlinna chang thar zawng zawngte a lawmpui thu a sawi a, tuna hlawhtlingve ta rih lote pawh an fail-na paper-te inbuatsaihna tha zawk nena exam hmachhawn leh turin a chah a ni.