Aizawl: MNF President Zoramthanga chuan MNF chu Pathiam remruat ang zela kal an nih thu a sawi.
Zirtawpnia Mizo Hnam Run chhung inkhawm neihah thu sawiin chief ni minister ni bawk Zoramthanga chuan, MLA inthlan 2023 chu tluang tak leh harsatna lian tham awm lova neih a ni chu lawmawm a tih thu a sawi a. MNF Official Candidate zawng zawngte an tlin theih nan thei tawp chhuahtute chungah lawm thu a sawi.
MNF chu Pathian remruat ang zelin an kal tih sawiin Zoramthanga chuan, “Kawng engkimah Pathianin MNF chu tha a tih ang zelin hun min ruatsak zel a, a remruatna tuma dal theih a ni lo a, Pathian in tha a tih ang zelin kan chungah rem min ruatsak a ni,” a ti a. MNF an sorkar chhungin hrileng, lirnghing, ramri buai, ram buai etc. in a chimbuai lai pawhin an tan Pathianin rem a ruatsak angin, MNF Party chu mipuite tan ding an nihna angin mipuite tana harsatna awm lo thei tur ang berin an kal a, Pathianin tun hun hi a hriau thleng ta tih a sawi bawk.
MNF president chuan, “Pathian leh mipui zarah pawh kan sorkar leh ngei ang a, chak zawkin ram hi kan kai huai leh ngei ang,” a ti.