New Delhi-a cham mek Dr. L. Thangmawia’n nimin khan Election Commission of India (ECI) office tlawhin, Chief Election Commissioner hnenah thil pawimawh hrang hrang te ziakin a thlen a. CEC lehkha chu ECI aiawhin Darsuo Thang, Principal Secretary ECI-in a lo dawng a ni.
L Thangmawia chuan Mizoram inthlanpui avanga zirlaite scholarship pekchhuah phal tura an ngenna te bawhzuiin, ECI-in zirlaite scholarchip pek chhuah phalna a pek nghal avangin Principal Secretary hnenah hian lawmthu a hrilh.
CEC-a lehkha thehluhah Mizoram a vote chhiar hun ni 3.12.2023 (Pathianni) a neih tura ruahmanna chu Mizorama poitical party hrang hrang, NGO leh kohhran te duh dan anga a hma Inrinni ni 2.12.2023 emaw, a tuk Thawhtanni ni 4.12.2023 emawa sawn tura ng- enna te, MLA candidate, an vote neihna constituency ni lova in candidate, a duh te ta- na dil theih tura postal ballot-a vote thlak phalsak tawh tura ngenna te pawh a tel.
Candidate te hian vote thlakni hian mahni dinna biala inthlan kal dan te thlithlaia, polling booth tlawh kual te an duh thin avangin an dinna bial atanga vote thlak tura kal hman ta lo te an awm thin thu Lengteng bialtu MLA nilai, MLa inthlan neih taka he biala MNF candidate ni bawk L Thangmawia chuan sawiin, chung mi te chuan an dil chuan postal ballot-a vote thlak theih tura ruahmansak thin tawh turin Election Commission-ah ngenna a thlen a ni.