Lemchan khawvela film nghahlelhawm ‘Venom 3’ chu ni 118 zet chawlh lailawk hnu-ah an buaipui tan leh ta niin, changtupa Tom Hardy-a’n a sawi.
Heti anga rei tak an chawlhna chhan hi Hollywood-a nawrna nasa tak nghawng chhuah kha niin, November 8-a inremna a awm tak vangin ‘Venom 3’ siam chhunzawm hna pawh hi a kal thei ta chauh a ni.
‘Venom 3’ hi June thla khan Sapin-a production kalpui tan niin, an tluan chho viau laiin July thatir atang khan actor te nawrhna in a nangzui a, film buaipui theih a ni ta lo.
He film hi July 12, 2024-a tlangzarh tum ni mah se, an tluan loh chhoh vang khan November 8, 2024 tinzawn a ni.
Sony kutchhuak ni bawk tur hian 2018 kuma tihchhuah Venom 1 leh 2021 kuma tihchhuah Venom 2 te a rawn khum dawn em, tih chu zawhna lian tak a ni nghal a, lemchan khawvela film hit ber zingami Venom pathumna en theih tura buaipui a ni leh ta hi fan te tan chanchin lawmawm tak a ni.