India nena Twenty20 series khel mek Australia te naktuka Barsapara Cricket Stadium, Guwahati a T20 vawi thumna an khelh tur atan Match Observer turin Zosangliana, Armed Veng chu ruat a ni.
India cricket thuneitu Board of Control for Cricket in India chuan India inkhel pawimawhah observer mawhphurhna la tura Cricket Association of Mizoram mi leh sa a ruat tum thumna a ni a. Ani hmaah hian Honorary Secretary hlui Mamon Majumdar leh tuna Honorary President ni lai Lalrochuanga Pachuau ten an lo enkawl tawh bawk.