Impulse NGO Network (INGON), Shillong leh Cod Nerc (Mizoram) tangdun leh META Company thawh hona, ‘Meta Small Business Academy Training’ Aizawl District ah an kalpui mek a. Nimin khan Synod Multipurpose Training Centre (SMTC) a trainee-te hnenah training an pe.
He Training program-ah hian social media platform pathum – Facebook, WhatsApp leh Instagram hmang a hlawk zawk a sumdawnna kalpui dan tur hi an zirtir a ni.
Impulse NGO Network leh Cod Nerc te hian training hi November 23, 2023 atang khan tan chhoin, Febry Institute of Skill Development & Training Centre, Ramhlun South-a zirlaite leh Vocational School of Education, Chaltlang Venglaia zirlaite tan training an buatsaih tawh bawk.
Training hi district dangah pawh kalpui tum niin, naktuk leh November 30 khian Thenzawla Women Group leh SHG memberte training neih pui leh turin an inruahman a ni.