Flute music album, ‘New Blue Sun’ khuhhawnna hla, ‘I Swear, I Really Wanted to Make a ‘Rap’ hmangin Andre 3000 chuan Billboard Hot 100 chart lut thei hla sei ber record a siam.
He hla hi minute 12 leh second 20 a sei niin, Tool band hla, ‘Fear Inoculum’-in August 2019a minute 10 leh seconds 21 hmanga Billboard 100 Chart-a lut thei hla sei ber record chu a thaichhe ta chiah a ni.
‘Fear Inoculum’ hian hun rei tak David Bowie hla, ‘Blackstar’-in minute 10 dawn hmanga hla sei ber nihna a lo chelh tawh chu a rawn thiat ta kha a ni a, kum li ral hma-in Andre 3000 chuan rawn lehpel veleh chiahin, rimawi khawvela tun dinhmuna Billboard Hot 100-a lang thei hla sei ber record mak dangdai tak a rawn nei ta a ni.