India-Japan Annual Bilateral Summit vawi 13-na chu nimin khan Tolyo-a Japanese Prime Minister’s Office-ah tan a ni.
Ram pahnih aiawhte hian a hmaa Prime Minister pahnih, Narendra Modi leh Shinzo Abe te lo indawr tawhna hrang hrangte zau zawkin an sawi dun a. He inbiaknaah hian ram pahnih inkar thil bakah Asia chhimchhak ram huam leh khawvel thilte pawh an sawiho dawn a ni.
Summit neih zawhah hian thawhhona tur thuthlung eng emaw zat ziah theih beisei a ni a. Ram pahnih hruaitute hian thuchhuah intawm an siam bawk ang.
Inbiakna neih hma hian Prime Minister Modi hi Japanese Prime Minister Abe hovin Guard of Honour nen a pisaah hian an lo dawngsawng a. Modi hian Inrinni khan Japan hi thlengin nizana summit neih zawhah Delhi lam panin a lo haw leh nghal a ni.