Assembly Budget session neih mekah nimin atang khan sorkar kum thar atana Minister te hna chanpual enkawlna tur sum ruahman sawiho tan a ni a, minister 3 demand te pawm a ni.
Nimin khan minister pathum – Vanlalhlana, F. Rodingliana, Prof Lalnilawma te hna chanpual enkawlna tur sum ruahman sawi ho a ni a;member ten an sawi ho hnuah pawm a ni.
Vanlalhlana hna chanpualte chu Parliamentary Affiars, Transport leh public works te a nia, heng Department pathumte enkawlna tur sum ruahman chu Rs 7,78,48,85,000 a ni a, F Rodinhliana hna chanpual te chu Printing & Stationery, power & electricity leh commerce & industries te a ni a, a vaia enkawlna tur sum ruahman chu Rs 10,17,15,79,000 a ni.
Prof Lalnilawma hna chanpual Public Health Engineering, Horticulture leh Rural development department atana sum dah zawng zawng chu Rs 8,66,95,66,000 a ni.