Napoli chuan Getafe-ah loan a khel mek England forward Mason Greenwood chu Manchester United atanga lak tumi an ngaihven a. Kum 22 mi hi lak an duh a nih chua Juventus nen an inchuh ngei a ngai dawn thung. (Corriere dello Sport – in Italian)
Atletico Madrid pawhin Mason Greenwood hi lak an tum an ngaihven ve bawk. (Star)
Bayern Munich manager Thomas Tuchel chuan chhuak tura thutlukna a siam tawh a sut fel hmain club lamin nipui bazar inhawn hunah defensive midfielder leh playmaker an la lut ngei dawn tih tiam hmasa phawt se a duh. Tuchel hian Manchester United leh Portugal midfielder Bruno Fernandes lak a duh a, Bayern pawhin lak an tum ve mnek bawk. (Independent)
Real Madrid chuan Bayern Munich atanga lak tumin Canada left-back Alphonso Davies ngaihven bawk mah se tunhnaiah an reh leh rih. Davies hian kum 2025 nipui bazar inhawn hunah contract a hmang zo dawn a, contract a hman zawh hunah free transfer-a lak an awn ta deuh zawk niin a lang. (COPE – in Spanish)
Napoli chuan Nigeria striker Victor Osimhen hmunruak luahtu atan Atletico Madrid forward Samu Omorodion lak an tum. (Sky Sports Italy)
Chelsea manager Mauricio Pochettino a hma lam hun tur chu season tawp hunah ngaihtuah that a ni dawn a. Chelsea thuneitu langsar zingah Pochettino hian thlawptu a la nei nual. (Guardian)
Chelsea leh England midfielder Conor Gallagher chuan hun rei tak chhung lo ngaihven tawhtu Newcastle United pan chakna a nei lo. (Football Insider)
Real Madrid chuan loan-a an hawh mek Joselu chu kawl chhunzawm an duh a, loan fee atan Espanyol hnenah 1.5m euros (£1.29m) an tawk tarh. (Sport – in Spanish)
Qatar club Al-Duhail SC-ah loan a khel mek Aston Villa midfielder Philippe Coutinho chuan a club hlui Vasco da Gama chu loan in a zawm phawt a ng a, Brazil club hian £5m sengin an la nghet zui thei dawn. (TNT Sports Brazil, via Mail)
Nilai zana Coppa Italia final-ah chakin, kum thum hnua a vawi khat nan trophy lian lak pui bawk mah se Juventus chuan an manager Massimiliano Allegri chu ban tho an tum. (Sky Italia – in Italian)
Juventus hian Allegri thlaktu atan Bologna manager ni mek Thiago Motta an duh a, kum thum daih contract an zawrh. (Fabrizio Romano)
United chuan Lille atanga kum 18 mi French defender Leny Yoro lak tumin an ngaihven. (Give Me Sport)
Chelsea rualin French champion Paris St-Germain te chuan Napoli leh Nigeria striker Victor Osimhen lak tumin an ngaihven a. Nipui bazar inhawn hunah kum 25 mi hi lak theih a nih a rinawm. (Caught Offside)
Sheffield United chuan Nottingham Forest defender Joe Worrall lak tumin ruahmanna an siam. (Team Talk)
Sunderland chuan Borussia Dortmund in lak tuma an ngaihven midfielder English Jobe Bellingham manah £12m an chhiar. Jobe Bellingham hi Real Madrid tana khel mek Jude Bellingham a unau a ni. (Football Insider)