Hmeichhe World Cup thlengtu tur Brazil

Khawvela football thuneitu sang ber FIFA chuan hmeichhe World Cup 2027 thlengtu tur an puang ta a, football ram ropui Brazil in a thleng dawn.

Women’s World Cup 2027 hi Brazil in thlen an dil a, Europe a football ram ropui pathum; Netherlands, Belgium leh Germanty ten inthlen tawm tumin an dil ve bawk. United States leh Mexico ten inthlen tawm an tum ve uk naa 2031-ah thlen ngei tuma an insawrbing tak vangin an inhnukdawk. USA leh Mexico an inhnuhdawh hnu hian thlen dil pahnihte buk an nih hnuin Brazil hian vote tla 119 atangin vote 78 an hmu a, hmeichhe World Cup an thleng dawn ta a ni.

Brazil hi mipa FIFA World Cup vawi hnih; kum 1950 leh 2014-ah a lo thleng tawh a. Hmeichhe World Cup erawh a thlen vawi khatna a tur a ni thung a. South America ram zingah hmeichhe World Cup thleng hmasa ber tur an ni tel bawk

Leave a Reply

error: Content is protected !!