Aston Villa chuan kum 24 mi Chelsea leh England midfielder Conor Gallagher lak tumin an ngaihven a. Gallagher manah hian Colombia forward Jhon Duran an pek tel ngei a ngai dawn thung. (Telegraph – subscription)
Tottenham chuan nipui bazar inhawn laiin forward pahnih lak thar an tum a, lak an tum pahnih zinga pakhat chu Brentford leh England forward Ivan Toney a ni. (Football Insider)
Ipswich manager Kieran McKenna chu Mauricio Pochettino thlaka Chelsea manager thar ni tura rinkai ber a ni mek a. Hetihlai hian Blues manager Pochettino hian a hma lam hun atan thutlukna a la siam fel lo thung. (Guardian)
Brighton atanga chhuak tur manager Roberto de Zerbi chu Bayern Munich in Thomas Tuchel hmunruak luah tura lak an tum ber a ni mek. (Bild)
Real Madrid chuan Liverpool leh Argentina midfielder Alexis Mac Allister an ngaihven a, Reds hnenah lak tuma dilna an la siam lo thung. (Sun)
Fenerbahce leh Besiktas te chuan Chelsea leh Manchester United manager hlui Jose Mourinho chu an manager thar atan ruat an duh. (Goal)
Newcastle, Everton leh Crystal Palace te chuan Leicester City a contract hmang zo mai tur kum 22 mi English midfielder Kasey McAteer lak tumin an ngaihven hlawm. (Football Insider)
Everton chu English defender Jarrad Branthwaite lak tuma dawrna dawngsawng turin an inpeih. Branthwaite hi Manchester United, Manchester City leh Tottenham ten lak tumin an ngaihven. (Mail)
Manchester United chuan Napoli, Juventus leh Atletico Madrid te nena sawizawm hlawh mek forward Mason Greenwood hralh an duh. (Athletic – subscription)
Borussia Dortmund pawhin Getafe-ah loan a khel mek Greenwood hi lak an duh ve bawk. (Mirror)
Liverpool manager thar tur Arne Slot chuan kum 20 mi Portugal defender Antonio Silva chu Benfica atangin lak ngei a duh. (Give Me Sport)
RB Leipzig chuan Arsenal nena sawizawm Slovenia forward Benjamin Sesko a lakchhuah theihna zat £56m in chhuahtir an tum. (Sky Sports Germany)
An ban thawn ang hialin sawi awm mek mah se Barcelona chuan an manager Xavi an la thlawp zui zel. (Times – subscription)
Newcastle United chuan Arsenal atanga England goalkeeper Aaron Ramsdale lak nan £15m sen an huam. (Telegraph)
Crystal Palace leh Fulham te chuan Manchester United-ah loan a khel mek Fiorentina leh Morocco midfielder Sofyan Amrabat an thlithlai. (Sun)
Manchester United chuan an captain leh Portugal midfielder Bruno Fernandes chu kawl chhunzawm an duh a nih chuan a hlawh lak mek £230,000 aia tam an pek a ngai dawn. (Star)