UEFA Champions League champion lai Chelsea chuan Brazilian football club Palmeiras chu Club World Cup final-ah an hmachhawn dawn a. Semi-final ah Al-Hilal 1-0 a an hneh avangin final an lut.
Nilaini zana Abu Dhabi a Mohamed bin Zayed Stadium a inkhelah Blues tan Romelu Lukaku chuan inkhel a goal awmchhun hi a khung a. Blues in club neitu Roman Abramovich-a hnuaia an awm chhunga an trophy la chawi loh awmchhun chawi theihna hun\ha an nei dawn.
An manager Thomas Tuchel chu Covid 19 a kai avangin a naute inkhel a la enkawl thei lova, mahse rinlawk angin Chelsea in Saudi Arabia club hi inkhel \an a\angin an thunun.
Minute 32-naah Lukaku hian inkhel a goal awmchhun a khung a. Kai Havertz chuan veilam kil a\angin ball a cross a. Hei hi Yasser Al Shahrani chuan tauh chhuah a tumna lamah Lukaku zawnah a tauh a, Belgian striker in goal-ah a khung.
Lukaku hi match ruk chhung goal khung tawh lo niin tun season-ah goal 9 a khungna a ni a. Goal a khung hma hian chance \ha vawi hnih a hloh hman.
Asia champion Al-Hilal hian Chelsea an tih\haih mawh hle a. Mohamed Kanno leh West Bromwich Albion midfielder \hin Matheus Pereira te inkawpin vawikhat tibuaiin Kanno-a’n goal a khung teuh a. Striker Moussa Marega goal khung tur bakah Odion Ighalo leh Kanno te lakah Chelsea keeper Kepa Arrizabalaga chuan save a siam bawk.
Chelsea first-team coach Zsolt Low chuan, “A tira kan \an dan a nung lova, inkhel awlsam tak a ni bik lo. Mahse kan thawkrim a, kan inkhelah erawh mumal taka ball inpek leh engthawl taka inkhelh a awm lo. He inelna a hlawhtlin hi kan club in a ngai pawimawh a, kha vang khan player-te chungah pawh pressure a awm zual in ka hria.” tiin inkhel a thlirlet.
Final-a an khingpui tur Palmeiras hian Thawhlehni zan khan 2-0 in Egypt club Al Ahly an lo hneh ve tawh thung.