Sangtei Khuptong pawhin kumin chu album siam kumah a puang e! A solo album hmasa ber tur a buaipui mek e.
A solo album hmasa ber tur ‘title’ hi la sawi chiang thei lo mah se, a sawi chian theih chinah hla pariat dah a tum thu te, live music veka recording an tih thu te, a album-ah ballad, classic, retro vibe, jazz rimawi bakah Sangtei-ti-Sangtei tu rimawi lam a hrut turte chu a chiang tawh.
Sangtei hian hla pariat a dah tur zingah, hla panga vel chu recoring a ti zo tawh. Mahse, engmah final a la ni lo. Final tur erawh chuan kawng chanve aia thui mah a album khawrpum tur hian a zawh tawh thung.
‘Awm Lo Ta La’ hitmaker hian, a album tihchhuah hun tur chu chiang fakin a la sawi thei lo. A sawi chian thei awm chhun chu, ruahman dana a awm a nih chuan, kumin ‘ber’ thlaah erawh tihchhuah a tum a ni.