Leicester City in Danish club Randers FC lakah harsatna tawk lovin hnehna an chang a. UEFA Europa Conference League round of 16 lut turin knockout round play-offs second leg-ah 3-1 in an chak a. 7-2 aggregate in hnehna an chang.
Randers Stadium a inkhelah hian Foxes tan English midfielder James Maddison chuan goal mawi vawi hnih a khung a. Brendan Rodgers-a pawlte hi 4-1 in first leg-ah chak tawhin Europa League group stage-ah pathumna an nih hnuah Conference League-ah a sang 16 zingah an tel.
Leicester City hian goal khung turin second 100 bak an nghah a ngai lova, Harvey Barnes chuan goal hmahruai mawi takin a khung.
Second half-ah pawh England winger hian a khung belh teuh a. Mahse a hnampui Maddison zawk che in minute 70-naah freekick mawi a khung hnuah minute 74-naah yard 25 a hla a\angin mawi takin a pet kual lut leh bawk.
Randers hian goal khat an khung ve a, Foxes goalkeeper Kasper Schmeichel ball khawih nghet lo avangin Stephen Odey chuan remchang a hmuhah goal a khung.
Leicester manager Brendan Rodgers chuan, “European football a nih emaw Premier League a ni emaw, fimkhur taka goal ven a ngaih hunlai hi chu inkhelah a awm ziah. Kan duhthusam ang takin inkhel bul kan \an a, Harvey goal khan inrintawkna lian tak min pe.”
“Mahse ball kan hloh ngun a, khelmual a \hat loh bawk avangin second half-ah kan inkhel a tlahniam. Eng inelnaah pawh a thui thei ang ber kal kan duh zel a, kan club \antuten helaiah \hahnem tak zinchhuakin min \awiawm a, a tawp thlenga team min tiphurtu an ni.” tiin a sawi.
Europa Conference League round of 16 inkhel tur :
Marseille v Basel
Leicester City v Stade Rennais
PAOK v Gent
Vitesse v Roma
PSV v Copenhagen
Slavia Prague v LASK
FK Bodo/Glimt v AZ Alkmaar
Partizan v Feyenoord