Aizawl: May 24, 2026, Pathianni hi Pentikos Ni a ni a. Kristian te tana ni pawimawh, thlarau thianghlim thlen champha Pentecost Ni a nih angin khawvel lumah Kristian te chuan urhsun takin an hmang.
Pentikos chu Grik tawng a ni a, ‘Sawmngana’ tihna a ni a. Thuthlung Hlui-ah chuan Kalhlen Kut tiak ni atanga ni sawmnganaah an hmang thin a, Thuthlung Thar hunah erawh chuan Isua thawhleh tuk (Easter) atanga ni 50-naah hman a ni.
Pentikos ni hian Isua zuitute chu Jerusalem in pakhata an awm laiin thlarau thianghlim a lo thleng a, thlarauvin a tawngtir angin tawng dangtein an tawng hlawm a. Heta tang hian thuthlung thar kohhran rawn ding chhoin vawiin ni thlengin Isua ringtu te chu he ni hi urhsun takin an hmang thin.
Mizoramah chuan Kohhran hrang hrang ten Pentecos ni pual hian thupui hrang hrang hmangin Pathian biak inkhawm an buatsaih a, Kohhran tam zawk chuan Sunday School Zirlai la lovi, Pentecost pual sermon te ngaihthlak a ni a. Kohhran thenkhat chuan thingpui ruai te nen he ni hi hlim takin an hmang a ni.