Tunhnaiah zan lam boruak duhawm lo tak tak kan hre chho zut a, kan rama thleng tur pawha kan ngaih loh a thleng leh thin.
Hnamdang ten nuam an tih leh an fak, inkalpawhna a awlsam tawh avanga mikhual lo lut tam tan kan nih mek lai hian thil thleng duhawm lo a awm leh thin hi a pawi a, kan inenfiah zual a ngai hle.
Veng hrang hrangah duty an awm chho niin a hriat a, tlawmngaia duty te an nih miau avangin tlin loh leh theih loh hun a awm ngeiin a rinawm. Chuvang chuan sorkar hian a police te hi thuamchak se la, Aizawl veng kilkhawr ber thleng pawha kal kual turin darkar 24 chhung tal hi chuan routine siam thei se a tha hle mai.
Kan zan lam nun hi a ralmuan a ngai a, hmasawnna sang zelah hnathawh tur hrang hrang a awm chho ve zel a, a hlimhlawp leh sahawk zawnga khawsate hi tam an ni pawhin a hriat loh. Chuvang chuan muang leia kan awm theih nan mipui thlamuantu tur hi an tam deuh a ngai chuan a rinawm a ni.
Mikhualte tlat ngamna, ramdang atanga lo lutte zalen leh lungmuang taka an awm theih zelna turin kan zan lam nun hi thlamuanthlak se la, sorkar pawhin a police te thuamchakin, kal kual lam uar zual mawlh teh se.