South Asian Football Federation (SAFF) Women’s Championship-ah India hmeichhe team an champion a, kum sarih hnua an champion lehna hmasa ber a ni – final-ah hian champion lai Bangladesh chu 3-1-in an hneh.
Bangladesh hian Ritu Porna Chakma hmangin goal hmahruai khung mah se, India tan Pyari Xaxa, Sanfida Nongrum leh Lynda Kom Serto ten goal khat theuh khungin an chhanglet a, an champion – vawi ruk an champion-na niin, anni aia champion hnem an awm lo.
Mi mal lawmman pawh India hian hui vekin, top scorer chu goal li khungtu Aveka Singh a ni a, Danish Women’s 1st Division club Næstved HG tana khel mek a ni a. Most Valuable Player atan midfielder Sanfida Nongrum thlan niin, best goalkeeper chu Panthoi Chanu Elangbam a ni.