An inzui nghet chho zel a, an inkungkaihna a thuk telh telh tih nemngheh nan June 8, thawhtanni khan a tum khat nan Katy Perry leh a kawppui Justin Trudeau te chuan red carpet an zawh dun.
New York khawpuia Tribeca festival-ah an pahnih hian chhe lo taka incheiin, thlalatute an hmachhawn a, an inhaw lo tih a hriat hle.
He festival hi zaithiam Perry concert film Katy Perry: The Lifetimes Tour – Live from Paris premiere na pakhat anih bawk avangin Trudeau pawh a phur hle a, a ngaihzawng tan hian inthup leh zep engmah nei lovin a rawn inlan ve a ni.
Tarlan tawh thin angin Canada prime minister hlui, kum 54 mi leh pop star, kum 41 mite hi nikum July thla atang khan an inkar sawi rik tan a ni a, hei hi Perry leh a kawppui Orlando Bloom te in thenfel hnu lawk a ni nghe nghe.
Perry hian Trudeau fate pawh hi a kawm ngeihin, an inkar a tha hlawm hle tawh nia sawi a ni a, a fate zinga pakhat Xav,18 phei chu music lama tui tak a nih avangin Perry nen hian an innel zual hle nia sawi a ni bawk.