Tun hnaiah Mizoram Public Service Commission (MPSC) hnalak chungchangah felhlel leh dik lo deuh neuh neuh a awm chho fo niin a lang a, tihsual a awm ta fo mai hi enfiah a tul ta hle.
Zirlai pawl (MSU) te chuan chief minister hnenah MPSC chairman bang mai tura thurawn pe hialin, dik lo leh felhlel awm ta fo chu pawi an tih thu an thlen bawk.
Ani taka, kan ram leh hnam kal zel tur thlir hian sorkar hnasang latu berte tihsual fo awm thin hi a pawi hle a, a kaikuang engemaw laiah hian dik lo a awm thin ngei tih chu a chiang a, mawhphurtu pawh an awm ngei ang.
Sorkar hian enfiah leh siamrem, tihfel dan hi ngaihtuah rang se la, a tul a nih chuan kan zirlaite dun dan hian a officer lian chinte hi siksawi ngei teh se.
Hna lak pawh a la awm zel ang a, kan hnasang latu ber MPSC pawh thuam chak lehzual nise, a officer chinte pawh inenfiahin, sorkar hian ngaihven lehzual bawk se la, dik lo leh felhlel awm leh thin nia lang hi tihbo ni thuai tawh teh se.