Aizawl: Information, Public Relations, Printing & Stationery (IPRP&S) Minister B. Lalchhanzova leh Arunachal Pradesh University-a Mass Communication Post-Graduate 2nd year zirlaite chu minister pisaah an inkawm.
He hunah hian minister chuan hmarchhak thalaite theihna lian tak chu hman chhuah a nih theih nan rilru zau tak neih, mahni inrintawk leh comfort zone-atanga chhuah a pawimawh thu a sawi a. Hmarchhak state dangte nen inunauna leh inpumkhatna rilru pu a, thawkho reng turin zirlaite a chah.
He inkawmnaah hian Dr. Rajeev Lourembam (Head of Office, PIB Aizawl) chuan Central sector-a journalism kalphung leh Mass Comm. zir zawh hnua eizawnna kawng hrang hrang awm theihte a sawi fiah a. MJA President leh Editor, Zalen Vanlalrema Vantawl chuan Mizoram-a journalism kalphung leh a hna thawh te a sawi a, PS to Minister Remlalliana Hnamte chuan social media hman thiam loh hian hnam leh nihna hmanga inthenna a thlen theih avangin, zirlaite chu inpumkhatna vawng him turin a chah a. The Frontier Despatch (Editor Adam Saprinsanga pawhin media hmang hian Hmarchhak bial ziarang leh nihna dik tak khawvel hmaah a tha zawnga pholang thei an nih thu zirlaite a hrilhfiah a ni.
An inkawmhona hun hi IPRP&S Joint Secretary Mina Zoliani Joute-in a kaihruai a, IPRP&S Deputy Director Pratap Chhetri leh thuthar thehdarhtu dangte an tel bawk.