Aizawl: Department of Administrative Reforms & Public Grievances (DARPG) buatsaih ‘National Conference on NextGen Administrative & e-Governance Reforms’ chu State Convention Center, Shillong-ah July 13-14, 2026 hian neih a ni a. Hetah hian Serchhip District project – ‘District Plan and Project Monitoring System’ chu Serchhip District Deputy Commissioner Paul L. Khuma’n a lem nena entirin a pho chhuak.
Conference-ah hian National level-a sorkar inrelbawlna tha ‘Good Governance Initiative’ hrang hrangte pho lan a ni a. DARPG hnuaia State Collaborative Initiative kaltlanga project buatsaih, ‘District Plan & Project Monitoring System’ chu pho chhuah tura thlan niin, Serchhip District Deputy Commissioner hian a pho chhuak a ni.
He system kaltlang hian district chhunga sorkar hmalaknate en leh vil (monitor) theih a ni dawn a, computer bakah mobile phone hmanga luh theih a ni bawk.