Lemchan thiam Penelope Cruz leh Javier Bardem te nupa chuan an fate pahnih chu mipui hmuha la inlan tam lo tur leh an theihtawpa an khuahkhirh thu an sawi.
Anni pahnih hian kum 2010 khan inneiin, fapa Leo, kum 15 leh fanu Luna, kum 13 mi an nei mek.
February 2019 khan an kawmna pakhatah Penelope Cruz chuan an fate tana nu tha ber nih a duh thu sawiin, a hna zawh fel vat vata a fate bula awm nghal chu a tih thin dan a nih thu a sawi bawk.
Tun hnai khan Cruz hian an fate an nupaa an enkawl dan chungchang hi sawichhuak lehin, tleirawl ni chho ve ve tawh mahse an nupa chuan mipui hmaa inlan tam lo tura an la duh reng thu a sawi a, a theih hram chuan media hmachhawn lo tura an la duh leh hrilh dan ber pawh a nih thu a sawi a ni.