Aizawl: Mizoram Public Service Commission (MPSC) siam that phutin MZP-in hnatlang ko.
MZP chuan MPSC hnuaia exam hrang hrangah zirlaite leh Mizo thalai hna zawng mekten harsatna an tawh thin chungchang zir chiang tura MZP General Headquarters, Aizawl Emergency Executive Committee leh aspirant-te an inhmukhawm hnuah, August 6 leh 7, 2026 hian ‘MPSC Siam |hat Hnatlang’ an ko.
Hnatlangah hian Mizo thalai hna zawng mek te, MPSC-a harsatna tawk mek leh MPSC siam tha duhtu tel turin MZP chuan sawmna an siam a ni.
MZP chuan MPSC kalphung siam that a nih theihna turin One Time Registration (OTR) tihtawpa a mamawh thala zirin ‘Specific application form’ siam ni rawh se tih te, OTR-a document upload kim loh avanga reject tawhte leh written exam-a tling tawh OTR vanga reject-te tan offline-a document thehluhna hun siamsak lehnate a tling tih an sawi.
Hei bakah hian MPSC kalphung siam tha vek tura sorkarin reform committee/commission a din a ngai a ni tih an phut bawk.
MZP chuan he hmalakna hian awmzia a neih loh chuan zirlai hna zawng mekten an dikna chanvo an hmuh theihna tur leh MPSC zahawmna humhim a nih theihna turin a tawp thlengin ke an pen zel dawn thu an sawi.