Zaithiam Lady Gaga chuan a lo suangtuah thin ang ngeiin naute thar a nei ve ta a, fa neih hun a lo suangtuah ve thinna zawng zawng chu a thleng dik ta, a ti.
Kum 40 mi zaithiam leh a kawppui tech entrepreneur Michael Polansky, kum 42 mite chuan September ni 11 khan fa an nei niin khawthlang lam news thenkhat chuan an tarlang a, naute thar hi mipa nge hmeichhia a nih erawh sawi a ni lo thung.
An pahnih hian an naute neih chungchangah hian engmah sawi an la nei lo bawk a, Gaga erawh hi chuan naute neih a, nu ni tura engkim a kaltluan thu a hmain a lo sawi tawh thung a ni.
Gaga leh a kawppui Polansky te hi inneih pangngaiin an la innei lo a, mahse khawthlang lam ho nunphung angin an khawsa dun thung. Kumin nipui thawt vang lai khan naute nei tura inbuatsaih tanin, an naute thar tur tan an hna lam ve ve atangin chawlh an la dun tawh a, September 11 khan an naute thar hi a piang ta nia sawi a ni.
Anni pahnih hi kum 2020 atang khan an inzui tan nia sawi a ni a, hemi kum vek hian Las Vegas lamah kumhlui thlah zan am taka an hmang lai hmuh an ni bawk. Heta tang hian inzui nghet cho zelin, July 2024 khan Gaga hian an inhual thu a sawi a ni.