Mizoram politics khawvelah party hrang hrang awmin, hruaitu inthlak kual boruak thawm lian tak tak a lo awm tawh thin a, vawiin thlengin hruaitu inthlak leh inruat tharna lian tham a la awm reng bawk.
Kartir maiah khan rorelna chang mektu ZPM party chuan an president an thlak thu leh an president thar an puang a, a sangawizawnpui tur an puang nghal bawk. Mipia an inzawrhna nen a la inang tluang zel ang em tih chu hunin a la hril zel turah ngai ila…
MNF party pawhin an hruaitute siamremin, an president thuchhuak angin nihna an insiamrem nasa hle a, mi thar leh thalai zawkte tan belh tlak an ni ang em tih chu an chetziain a la hril turah ngai ang.
Congress pawh an sorkar lohna a rei tawh a, an president in an hruaitu hluite haw khawmna hun siam mekin, hruaitu post an siam belh nasa hle a, an hruaitu ruatte hian sang zawk an thlenpui ang em tih chu ngaihtuahna luahtu ber a ni bawk.
Ngun taka thlira ngaihtuah chuan kan party lian pathumte leh sorkar na siam tawh leh siam mekte hian thalai zawkte dawmkan an tum em em lo niin a lang a, an sahmim tipuar zawnga chet lak an tum mai ang tih a hlauhawm hle. Hun lo awm zel turah hian thlalai lungfing tawh tak takte hian an ring ngam ang em le?
Anmahni ringawt inngaihtuah thei an ni tawh lo a, tunlai thiamna sang tawh takah hian an in up-to-date peih a ngai viau tawh dawn a, thalaite hian belh tlakah leh rin ngam chiah an ngai ang em? Ngaihtuahna han seng ve deuh hlawm teh se.