Chief Minister Lalduhoma kaihhruaiin CM Conference Hall-ah education department thawktute dinhmun leh hmalakna sawi hovin Education Minister Dr. Vanlalthlana bakah education, finance leh DP&AR official-te an thukhawm a. District leh Sub-Divisional Education Officer post ruak tihziaawm dan leh zirtirtu thar lak chungchangte an sawiho.
Thawhlehnia thutkhawmah hian District Education Officer (DEO) leh Sub-Divisional Education Officer (SDEO) post ruak tam lutuk tihziaawm nan, Circle Education Officer-te SDEO-a an kai chhoh ran theihna tur rawtna (proposal) awm mek chu a rang lama um zui tha an ti a. Mizoram Education Service rawtna pawh Council of Ministers meeting-a chhawpchhuah theih thuai beisei a nih bakah Hindi Education Officer, Adult Education Wing leh Physical Education Wing lama harsatna awmte pawh sawiho niin, Hindi Education Officer hi direct recruitment kalpui a tul nia ngaih a ni.
Zirtirtu dinhmun tlangpui leh zirlai naupang nei tlem lutuk school-te chhunfin leh tihtawp ruahmanna te, leh PPP mode-a school thenkhat kalpui chhoh dan turte pawh sawiho a ni bawk.
Sorkar hian school hrang hranga zirtirtu lak phalna a lo pe tawh a, Primary-ah regular zirtirtu 671 lak phalna pek tawh atangin tun sorkar kumah mi 100 lak phawt tura ruahman a ni. Middle school-ah contract zirtirtu 544 lak phalna pek atangin kuminah mi 212 lak an ni dawn a; High school-ah regular zirtirtu 107 lak phalna pek atangin kumin hian a tahtawlin mi 57 lak phalsak an ni bawk.