Thla hmasa tawpa lama damdawi ina dah luh a nih hnuah vantlang hmuh theihin Lionel Richie pawh a inlan leh thei tawh a, inrinni zan dinner party pakhatah hmuh a ni.
Richie,77 hi a bialnu Lisa Parigi nen Beverly Hills-a Mr. Chow-a dinner party-ah hmuh dun an ni a, hei hi damdawi in a awm hnua vantlang hmaa a inlan leh hmasakna ber a ni.
Richie hi August 29 khan St. Louis-a a perform zo chu damdawi in lamah hruai zui nghal niin, ICU ah dah luh a ni a, test hrang hrang an nei zui bawk.
Damdawi in atang hian September 2 khan a chhuah thu Richie chuan sawiin, Los Angeles lama a awm leh tawh thu a sawi a, tunah chuan vantlang hmuh theiha awm leh tawhin, amah pawh a hlim hle niin sawi a ni.