Taylor Swift chuan English football club pakhata khel turin contract thar a ziak a, mahse he contract thar ziaktu hi Thawhlehnia single thar “Patient Zero” tichhuak hlimhlawl erawh a ni lo!
Widnes Town FC chuan thuthang chu a dik tih nemnghetin, an club zawm turin Taylor Swift an lakluh ngei thu an sawi a, Taylor Swift chuan Widnes Town tha tichak turin a rawn zawm ngei alawm, kan lawm hle, an ti.
Zaithiam Swift-i’n a single thar a tichhuah hnu lawka thilthleng a nih avang hian he thu ngaihventu an tam nghal hle a, mahse zaithiam erawh ni lovin Taylor Swift hming ang chiah pu mipa footballer Taylor Swift a ni thung a ni.
Footballer Swift zawk hian Widnes FC tan hian jersey no. 10 a ha dawn a, Alsager Town FC atangin a club thar hi a zawm a, a IG lamah follower 147 chauh la neiin, hetia thuthar a rawn neih ve takah chuan zuitu pawh a ngah chak hle a, mi tam tak chuan zaithiam Taylor Swift nena inhmu vat tura an duh thu an auchhuahpui nasa nghal hle a ni.