Aizawl: France rama India sorkar palai H.E. Mr Sanjeev Kumar Singla chuan Paris-ah Mizoram Legilative Assembly Speaker Lalbiakzama zanriah a kilpui.
Commonwealth Parliamentary Conference vawi 69-na, Cape Town, South Africa-a tel tura kal, Assembly Speaker Lalbiakzama te nupa chu sorkar laipui, Ministry of External Affairs-in ruahmanna a siamsak angin Post Conference Tour an neih chhunzawm a. September ni 20 (Pathianni) khan France khawpui, Paris an thleng a. Indian Embassy-in lo buaipuiin, Indian Ambassador to France, H.E. Mr Sanjeev Kumar Singla chuan Thawhlehni tlai khan The Crossing Indian Bistro, Paris-ah zanriah a lo buatsaihsak a ni.
India sorkar palai nen hian inkawmna hun tha tak an nei nghal a.
Speaker hi Mizoram Legislative Assembly Addl. Secretary Lalthangmawia’n a tawiawm a ni.