Aizawl traffic police te an thawkrim chhoin, chhun leh zan pawh sawi lovin lirthei veivak enkawl hna an thawk chho a, dan bawhchhia tam tak an man bawk.
Hetia theihtawp chhuaha an thawhrim rah tel tute chu mipuite kan ni a, kan tana an inpekna leh an thawhrimna hi fak tlak a ni tak zet.
Zana lirthei ring deuh deuha tlante an reh phah a, tin hetiang tih ching hriate tan report na tur phone number an dah bawk a, report lamah mipuite pawh kan tanrual thiam a ngai bawk.
Kan khawpui kawngte hi duh dan dana lirthei khalhchhuahna hmun tura siam a ni lo a, fimkhur tak – lirthei khalhtuten zawm ngei ngei tur kan neihte hmanga tlanchhuahna tur a ni tih hi kan hriatreng pawh a tha hle.
Traffic police ten chhun zan zawma lirthei tlan endik hna leh pathianni pawh sawi lova endik runpui an nei hi tih fo ni thei se la, an tha tichak turin sorkar pawhin anmahni pui tur ruat belhin, mipuite him nan lirthei tlan dan endikna ngawrh lehzualin nei zel teh se.