Aizawl: Val Upa Council (VUC) atanga bânna theh lut, Rin Sanga, IAS (Retd.) chuan Inrinni khan chief minister, ZPM president ni bawk, Lalduhoma nen an inkawm hnuah VUC Vice Chairman hna thawh zawm leh a remti.
VUC thuchhuahin a tar lan danin Rin Sanga’n bânna a theh luh hi VUC chairman leh member dangten an lo pawm lo tawh a. Inrinnia party president nena an inkawmnaah hian Chief Minister Lalduhoma chuan lungawi lohna bik neih avanga bânna theh lut a nih loh thu leh a kum a upat tawh avanga inthlahrunga bânna theh lut a nih zawk avangin a hna ngai zawm leh turin a ngen a ni.
Ngun taka an sawi dun hnuah Rin Sanga hian VUC vice chairman nihna hi a zawm leh ta a ni.
Tar lan tawh angin, VUC member, Bualhranga leh Rin Sanga te chuan chawlhkar hmasa Thawhtanni khan VUC chairman hnenah bânna hi an lo theh lut tawh a ni.