Khawvel hmasawn rualin ke kan pen ve zel a, hmasawnna lian tham hrang hrang kan ramah pawh a rawn awm ve zel bawk. Hengte hian kawng tam takin kan khawsak min tiawlsam a, thiltih a tiawlsam zual fo thin.
Hetih lai hian a lo luh hma atanga kan sawi chamchi, a do pawl leh a duh pawl pawh nasa taka an inhnialna pakhat chu bungraw tlawm phah tur thu kha a ni. Mahse, kan rama rel rawn luhna pawh kum khat a ni ta, rel rawn lut avang hian eng bungrua mah a tlawm phah hauh lo!
He rel lo lut hian zin veivahna lamah nasa takin awlsamna min thlen a, kan kawtkai atangin ramchhung ril zawk kan pan thei tawh a, zankhua khuaa lirthei hmanga tlan ngai tam tak kha kan pumpelh thei ta bawk.
Zin veivah kawnga a awlsam phah viau lai hian a rawn lut dawn tih kan hriattirh a mi tam zawkin hahipa an lo sawi bungraw man erawh a tlawm phah der lo a, rel rawn luh hnu hian eng bungrua mah a tlawm phah thu hriat a ni lo.
Kum khat rel rawn luh tlinna kan hmang tawh chung hian bungraw tlawm phah a la awm lo a, sumdawng tam tak pawhin a ngaihna an hre bik lo. Chuan man leh bungraw phurh man tlawm em em a ni chung si a kan ram chhung thil man a tlawm phah chuang miah lo lai hi chu ennawn leh a chhan chhui that deuh chu a va ngai em.