Portugal mipa football team head coach Jorge Jesus-a chuan Real Madrid midfielder Bernardo Silva chu captain a nih tawh tur thu a puang a, hei hi Cristiano Ronaldo-a’n ram tana inkhelh a chawlhsan tur a puan hnua thil thleng a ni.
Jesus chuan kal kal ta Zirtawpniah khan chanchinbu mite a kawmnaah Portugal-in Nations League group inkhel hnuhnung pahnih, Inrinnia Braga-a Denmark an hmachhawn tur leh November 17-a Cardiff-a Wales an hmachhawn tur atana player 28 a thlan chhuah hnuah captain thar hi a puang.
Jesus-a chuan Ronaldo chu team-ah telh a tum rilruk reng thu leh a chawlh tur thu a puan hmain inthlahna video a tihchhuah vanga hre chauh a nih thu a sawi lang bawk.
“National team-ah chuan coach-in captain tur a thlang ngai hleinem, an ram tana game an khelh hnem dan azirin an inruat zawk thin. Tun tumah pawh hian khel hnem zual panga ka thlir hmasa ber a. Mak tak maiin, an panga hian club hrang hranga ka lo kaihhruai tawh thin an ni,” tiin Jesus chuan a sawi.
“Cristiano dawta ram tana khel hnem ber chu Bernardo Silva a ni. Ruben Dias, Joao Cancelo, Ruben Neves leh Bruno Fernandes te chu khel hnem dangte an ni,” a ti.
“Bernardo hi tawnhriat ngah tak, thiamna nei sang tak leh Real Madrid-a che tha tak a ni a. Khawvela team tha ber zinga pakhat a bul tan thei a ni bawk,” tiin Jesus chuan a sawi.
Kum 32 a nihin Silva hian Portugal tan vawi 115 a khel tawh a, tuna an ram team-ah chuan Fernandes (97), Dias (84), Cancelo (77) leh Neves (73) te nen ram tana khelh hnem lama hmahruaitu an ni.