A pa fanu a nih chhuangtu Ananya Panday

Bollywood lemchan thiam lar chho mek Ananya Panday chuan hlawhtlinnate hi nu leh pate tel lo chuan engmah a ni lo tia sawiin, a pa a fanu a nihna chu a chhuan ber a la nih reng thu a sawi.

Kum 28 mi hian New Delhi-a 24th Hindustan Times Leadership Summit-ah thu sawiin, an thlahtute chu vawiina a dinhmun hruaitu thlengtu an nih avanga an chunga a lawmthu leh a chhuan thu a sawi.

Panday chuan, Gen Z boruak a lian a, mi hlawhtling tak tak pawh an awm. Beisei phak baka rawn lar leh khawsa nuam pawh an awm a, mahse heng an hlawhtlinna zawng zawngte hi an thlahtute vang a ni, chuti ni lo se tun dinhmun hi an thleng lovang, a ti.

I pawm emaw pawm lo emaw, kei chuan ka pa fanu ka nihna hi ka chhuang hle a, ka la sawi fo thin a ni bawk. Ani hi awm lo se eng dinhmun mah ka thleng lovang, a ti bawk.

Leave a Reply

error: Content is protected !!