Aizawl: Mizoram State Human Rights Commission (MSHRC) Chairperson Justice Marli Vankung leh member-te chuan Aizawl-a Central Prison & Correctional Home leh Central Women’s Prison & Correctional Home tlawhin mihring dikna chanvo bawhchhiatna a awm leh awm loh an enfiah.
MSHRC hotute hian October 30, 2026 khan Central Prison & Correctional Home, Aizawl an tlawh hnuah Ningani khan Central Women’s Prison & Correctional Home an tlawh leh a, Prisons & Correctional Services atangin Inspector General leh official dangten an tawiawm a ni.
Tan in tlawhnaah hian MSHRC member-te chuan tangte zingah mihring dikna chanvo palzutna a awm leh awm loh te, an ni tin mamawh an dawn dan leh pek an nih danah thil fel lo leh dik lo a awm leh awm loh te uluk takin an endik a, tangte nen an inkawm bawk.