Congress MLA-in Meghalaya Assembly Speaker Metbah Lyngdoh hnenah lehkha thehlutin, National People’s Party (NPP) MLA Thomas A Sangma chu hmeichhiain pawngsualtua puha police hnena a thlen avangin assembly committee-a a\anga chawlhtir turin a ti.
Sangma hi Meghalaya-a rorel lai MLA niin North Tura (ST) bialtu a ni a, political advisor to Chief Minister Conrad Sangma a ni bawk.
Assembly Committee on Estimates-ah chairman a ni a, Public Accounts Committee-ah member a ni bawk.
Congress MLA, Assembly Committee for Empowerment of Women-a chairperson ni bawk, Ampareen Lyngdoh chuan speaker hnenah hian Sangma hi pawikhawihna lian taka inhnamhnawiha puh a nih avangin a telna committee atangin paih turin a ngen tih a tar lang.
“Assembly Committee for Empowerment of Women-a hotu ka nih angin, hetiang thil, a bikin hmeichhe chunga thleng hi palzam chi a ni lo,” a ti.
“Assembly member meuh hetiang pawi lian tham khawiha puhna hian khawtlang pawh a barakhaihin mipuiten an aiawha an thlante laka beiseina pawh a tichhe thei,” tiin minister lo ni tawh, Lyngdoh-i hian a ziak.
Congress MLA hian kum 2017 pawh khan mipat hmeichhiatna thila a laka FIR a luh avangin MLA Julius Dorphang pawh assembly committee-a a telna a\angin chawlhtir a ni tih a a ziak bawk.