Bundesliga hmahruaitu Bayern Munich chuan season thar a UEFA Champions League khelh phak tum SC Freiburg chu 4-1 in Inrinni zanah an hneh a. Champion an tumna kawngah ke pen belh mahse tlawm tir an ni daih thei.
Europa-Park Stadion a inkhelah Bayern tan Leon Goretzka, Serge Gnabry, Kingsley Coman leh Marcel Sabitzer ten goal an khung a. Mahse second half a substitute an siam laia tihsual awmin sawi a hlawh.
Bayern Munich in Niklas Sule leh Marcel Sabitzer te chu Corentin Tolisso leh Kingsley Coman thlak turin an luhtir a, mahse Tolisso chiahin khelmual a chhuahsan a. Hei hi second 17 hnuah hriatchhuah a ni.
Bundesliga danah eng chen pawh nise khelmualah 11 aia tam team in player an luhtir theih loh avangin Bayern in dan an bawhchhia a. Freiburg lam hian thuneitute hnenah an zualko a nih chuan Bayern hi 2-0 a tlawm tirin Freiburg hi chak tir an ni zui thei.
Freiburg lam erawhin hemi chungchang DFB lamah an la thlen lo thung.