Aizawl: Siaha bialtu MLA leh minister of state ni bawk, Dr. K. Beichhua chuan Inrinni khan Siaha khawpui chhunga kawngpui zim deuh lai tihzau dan tur Siaha PWD engineer-te nen an en.
Siaha khawpui kawngpui tihzauna leh Siaha to Titlao via Thosai atan PWD changtu, Chief Minister Zoramthanga chuan Rs. vaibelchhe 10 pek a remtih thu Dr. K. Beichhua chuan a sawi a, lawmawm a tih thu a sawi bawk.
Siaha Meisatla to Circuit House via Siaha Bazar kawng zim deuh lai an khawih tur thui zawng hi ruahmanna ang chuan kilometre 3.33-a thui a ni a, a tlangpuiin 1.5 metre vela tihzau tum a ni. Hei bakah hian Assam Rifles road to Siahahtlah kawngpui zim lai tihzau tum a ni bawk a, tihzau tur chin thui zawng hi ruahmanna ang chuan kilometre 1.6-a thui a ni.
Siaha bialtu MLA, Dr. Beichhua chuan Inrinni vek khan Meisatla to Titlao via Thosai kawngpui tihzau tur pawh a en nghal bawk. He kawng hi kilometre 7-a thui niin, metre 3.75 metres Plain Cement Concrete pavement-a siam tura ruahman a ni bawk.
Dr Beichhua chuan kawngpui tihzau turah hian Circuit House penga ama mimal ram pawh an duh chin la hek turin PWD official te hnenah a lo hrilh tawh a, mimal ram lak ngai a awm chuan an Village Council hruaitute nen ruahmanna lo siam turin a hrilh nghal bawk a ni.