Aizawl: New Delhi-a cham mek, Mizoram Larsap Hari Babu Kambhampati chuan nimin khan Mizoramin project a thehluh, Ministry of Development of North Easter Region (DoNER) a\anga sanction rawn kal tura beiseite sawipuiin DoNER Minister G Kishan Reddy chu a pisaah a kawm.
He hunah hian Larsap Kambhampati chuan Mizoramin project a thehluhte pawimawhna leh a hmanhmawhthlak dan te sawipuiin, a theih anga hmaa sanction-sak thuai turin DoNER minister a ngen a. Reddy pawhin project thehluhte chu lo en zui a nih tur thu a lo hrilh a ni.
Larsap leh DoNER minister inkawmnaah hian PM DeVINE hnuaia project te, P&E hnuaia project te, Tourism department hnuaia project thehluhte leh a dangte an sawi dun a ni.