Wine siam leh zawrh chhuah phal a nih dawn leh dawn loh chungchanga thutlukna mumal tak sorkarin a la siam loh karah Champhai Grape Growers’ Society-in wine rules siamsak turin sorkarah ngenna thlen an tum.
The Zozam Times zawhna chhangin Champhai Grape Growers’ Society hruaitute chuan wine siam leh zawrh chhuah chungchangah thutlukna mumal tak a awm loh avangin dinhmun laklawh deuhah an awm tih an sawi a, eizawn nana an hman ber hi khap a nih loh nan sorkar hotute hnenah wine rules siamsak turin ngenna an thlen dawn tih an sawi.
Grape chingtute hian sorkar hotute dawr turin tun karah Champhai a\angin Aizawlah kal an tum thu an sawi a, wine rules siam an ngen bakah hian grape tui sawr sa \hahnem tak leh wine siam tawh bottle tam tham tak an kawl mekte tihral dan tur ngaihtuahsak turin sorkar ngen an tum thu an sawi.
March 25, 2022-a council of minister \hukhawmin zu khapna kalpuina tura duan, Mizoram Liquor (Prohibition) Draft Rules, 2022 chu a pawm a, hetah hian wine chungchang tar lan ni lo mah se rules hi pawm a nih tawh avangin zu leh a kaihhnawih hrim hrim khap \ha tihna a ni a; hemi avang hian grape chingtute chuan wine an siam chhuah hi khap a ni dawnah ngaiin an mangang ru hle a ni.
Champhai winery-a hotuten an sawi danin winery-ah hian wine bottling tawh sa case 2,884, bottle 69,216 bakah tanky-ah litre 1,60,000 an kawl mek a, tuna bottling tawh sate hi nikum hmasa, 2020-a an lakte kha a ni a; tanky-a litre nuai chuang awmte hi nikuma an lakte a ni.
Kumin July thla tawpah hian grape a thar leh dawn a, tun ang reng a harsatna an tawh chuan grape tharte hi lak theih a ni ang em a hriat loh thu grape chingtute chuan an sawi bawk.